Пляж футболи: Ўзбекистон терма жамоасининг Осиё Ўйинларидаги рақиблари маълум

Бугун Осиё Ўйинларининг пляж футболи мусобақасига қуръа ташланди. Унга кўра, пляж футболи бўйича Ўзбекистон терма жамоаси С гуруҳида Хитой ҳамда Баҳрайн терма жамоаларига қарши баҳс олиб боради. Аҳад Юсупов бош мураббийлигидаги терма жамоа Осиё Ўйинларидаги илк ўйинини 15 ноябрь куни Хитойга қарши ўтказса, Баҳрайнга қарши иккинчи тур ўйини 17 ноябрь куни бўлиб ўтади.

Эслатиб ўтамиз, Осиё Ўйинлари пляж футболи мусобақасида ўзбекистонлик ФИФА рефериси Бахтиёр Намозов ўйинларга ҳакамлик қилади. ОФК комиссари Санжар Ризаев эса ушбу мусобақада комиссар сифатида ишлайди.

Пляж спорт турлари бўйича Осиё ўйинлари. Пляж футболи.
 «А» гуруҳи: Таиланд, Вьетнам, Кувайт, Қатар
 «В» гуруҳи: Эрон, Уммон, Сурия,
 «С» гуруҳи: Хитой, Баҳрайн, Ўзбекистон
 «D» гуруҳи: Япония, БАА, Малайзия