Пляж футболи. Ҳамюртимиз бошқарган ўйинда Бразилия ғолиб бўлди

Ҳал қилувчи финал учрашувида Бразилия терма жамоаси россиялик “пляжчилар”дан 3:2 ҳисобида устун келди.

Қўшимча бўлимда Бруно Шавьер томонидан киритилган гол бразилияликларга Қитъалараро чемпионлик унвонини тақдим этди

Эътиборлииси, Бразилия ва Россия терма жамоалари ўртасида ўтказилган ҳал қилувчи финал учрашувини ҳамюртимиз мамлакатимиздаги пляж футболи бўйича ягона ФИФА рефериси Бахтиёр Намозов бошқарди.

Таъкидлаш лозим, Намозов кетма-кет учинчи маротаба Қитъалараро Кубокнинг ҳал қилувчи финал ўйинида ҳакамлик қилди. Бу йилги мусобақада Намозов финалдан ташқари, гуруҳ босқичида Эрон – Португалия (бош ҳакам), Япония – Россия (захира ҳаками) ва ярим финалда Португалия – Бразилия (бош ҳакам) учрашувларида ҳам ҳакамлик қилди.