Пирогхўр дарвозабонга супермаркетда иш таклиф қилишди
22 feb 2017 19:04
News

Пирогхўр дарвозабонга супермаркетда иш таклиф қилишди

Англиядаги супермаркетлардан бирининг бўлим бошлиғи Тесса Кэллахан "Саттон Юнайтед" собиқ дарвозабони Уэйн Шоуга пироглар бўйича дегустаторлик ишини таклиф қилишганини айтиб ўтди.

125 кг вазнли 46 ёшли дарвозабон яқиндагина клубдан кетган эди. Сабаби, Англия футбол Ассоциацияси унинг футбол ўйинларига пул тикканлиги борасида суриштирув ишларини бошлаб юборган.

Англия кубоги 1/8 финали доирасида "Арсенал"га қарши ўйин пайтида захира ўриндиғидан жой олган Шоунинг пирог истеъмол қилаётгани камералар тасвирига тушган.

"Ўша ўйиндан кейин Уэйн Англияда пирогларнинг энг машхур мутахассисига айланди. Бизни унинг таомларга бўлган муҳаббати таъсирлантирди", - дейди Кэллахан.