Пирло Англия чемпионлари билан ишлаши мумкин
09 oct 2017 11:48
News

Пирло Англия чемпионлари билан ишлаши мумкин

38 ёшли италиялик ярим ҳимоячи Андреа Пирло келажакда Антонио Конте бошчилигидаги "Челси" мураббийлар штабига кириши мумкинлигини айтди.

Олдинроқ, Пирло "Нью-Йорк Сити" билан шартномаси якунланганидан сўнг футболчилик фаолиятини тўхтатишини айтган эди. Италиялик ва АҚШ клуби ўртасидаги битим 2017 йилнинг декабрь ойида якунланади.

"Келажакда нима бўлишини билмайман. Декабрда Италияга қайтаман. Конте ёрдамчиси вазифасига тўхталадиган бўлсак, ҳозир бу ҳақда кўп гапиришмоқда. Бу борада ўзимнинг ғояларим бор, аммо қарор қабул қилиш учун менга вақт керак" - дейди Пирло.

"Милан" ва "Ювентус" собиқ футболчиси 2015 йилнинг ёзида "Нью-Йорк Сити" футболчисига айланган эди. Пирло фаолияти давомида Италия терма жамоасида 116та учрашув ўтказди, 6 марта А Серияда ва 2 марта Чемпионлар лигасида ғолиб чиқди.

Link :

Source : La Gazzetta dello Sport

Receive latest football news directly on your phone. Subscribe for our Telegram channel!

Rating: +1