Пике - LFP президентига: "Сиз буни кўрдингизми?"

Бу сафар Пике "Вильярреал"га қарши баҳсдан сўнг ғазаб отига минди. Маълумотларга кўра, Пике Испания профессионал футбол лигаси (LFP) президенти Хавьер Тебас ўтирган трибунага яқинлашиб, унга қуйидаги сўзларни айтган: "Сиз буни кўрдингизми? Ҳа, сиз, айнан сиз кўрдингизми?".

Кейинроқ Пике яна бу гапларни ҳам айтди: "Бруно Сориано қўл билан ўйнагани ҳаммага кўринди. Маскерано ҳам қўл билан ўйнаганини кўрдим, аммо футболчиларнинг мақсади ҳақида гапирсак... Ҳаммасини таҳлил қилишсин, бу ҳақда бошқа гапирмоқчи эмасман. Аммо ўтган ҳафтада айтган сўзларим асосли эканлигини ҳис қиляпман".