Пицци: “Германия билан ўйин натижасидан қониқдим”

“Учрашув ажойиб руҳда ўтди. Майдонда иккита ўзига хос режаларга эга бўлган жамоалар кураш олиб боришди ва бу доим қизиқарли бўлиб келган. Биз бугун рақибимиз сингари ғалаба учун ҳаракат қилдик, аммо дурангга эришдик. Биз айрим вазиятларда бир-биримизда дарвоза олдида халақит қилдик.

Дуранг қониқарли натижа деб ҳисоблайман. Ўйин учун тузган режамиз иш берди. Жамоадан фахрланаман.

Санчес бугун жуда муҳим голни урди. Алексис, Артуро Видаль жуда яхши ўйнашди ва бошқа футболчиларимдан ҳам мамнунман. Германия жуда кучли жамоа. Биз уларга тенгма-тенг қаршилик кўрсатдик.

Биз биринчи бўлимда кўпроқ тўп назоратини ўзимизда сақлашга уриндик ва жуда катта куч сарфладик. Шу сабаб иккинчи бўлимда чарчоқ аломатлари кузатилди. Аммо биз ўйин охирида дурангни сақлаб қолиш учун ўйнамадик” дейди Пицци.