ПФЛ "Локомотив" клуби маъмурини 2та ўйинга дисквалификация қилди
18 oct 2017 16:00
News
![](https://championat.asia/upload/storage/283744_original.jpg)
![](/upload/storage/283744_220.jpg)
ПФЛ "Локомотив" клуби маъмурини 2та ўйинга дисквалификация қилди
Ўзбекистон Кубоги
“Насаф”га қарши Ўзбекистон Кубоги ярим финал жавоб учрашуви якунланганидан кейин “Насаф” клуби мухлисларига қарата номақул ҳатти-ҳаракатлар амалга оширгани учун “Локомотив” клуби маъмури Б. Исмоилов 2та учрашувга дисквалификация қилинди ва жаримага тортилди.
Биринчи Лига
“Янгиер” – “Машъал” учрашувида тажовузкор ҳатти-ҳаракатлар амалга оширгани учун майдондан четлатилган “Янгиер” клуби футболчиси А. Жўрабоев 4та учрашувга дисквалификация қилинди.
“Норин”га қарши учрашувда рақиб жамоа устозига нисбатан бехурмат сўзлар ишлатгани учун “Сурхон” жамоаси футболчиси С. Холматов 3та ўйинга дисквалификация қилинди.
“Сурхон” жамоаси билан бўлган учрашувдан сўнг захира ҳаками номига номақул сўзлар ишлатгани учун майдондан четлатилган “Машъал-2” жамоаси футболчиси М. Юсупов 3та ўйинга дисквалификация қилинди.
“Ёзёвон-Лочинлари” жамоасига қарши учрашувда ўзини майдонда жуда қўпол равишда тутгани боис майдондан четлатилган “Орол” жамоаси футболчиси М. Қарлибоев 3та учрашувга дисквалификация қилинди.
“Орол”га қарши учрашувда майдонда ўзини қўпол равишда тутгани учун “Ёзёвон-Лочинлари” жамоаси футболчиси У. Олимов 2та учрашувга дисквалификация қилинди.
“Хоразм” жамоасига қарши учрашувда ўйин қоидасини қўпол равишда бузгани учун майдондан четлатилган “Норин” клуби футболчиси А. Мамазоитов 2та учрашувга дисквалификация қилинди.
Ёшлар Лигаси
“Насаф”га қарши ўтган учрашувда “Обод” клуби футболчиси У. Иноятиллаев атайдан рақибининг юзига зарба беришга урингани учун майдондан четлатилганди. Шунинг учун ушбу футболчи 2та ўйинга дисквалификация қилинди.
“Бунёдкор” билан бўлган учрашувда ўйин қоидасини қўпол равишда бузган “Машъал” клуби футболчиси Ж. Мирзақулов 2та учрашувга дисквалификация қилинди.
Similar news
![AMP Logo](https://championat.asia/image/logo-amp.png)
Comments