Пеп Гвардиола «Манчестер Сити»даги келажаги борасида бир қарорга келди

Football Insider хабарига кўра, Гвардиола амалдаги шартномаси 2025 йилнинг ёзида якунига этганидан кейин «Манчестер Сити»ни тарк этади. Қайд этилишича, Гвардиола «Манчестер Сити»ни тарк этгач, мураббийлик фаолиятида танаффус қилишни режалаштирмоқда.

Гвардиола қўл остида «Манчестер Сити» тарихида илк бор УEФА Чемпионлар лигасида ғолиб чиқди. Ўтган мавсумда инглиз жамоаси требл қайд этди.

Шунингдек Гвардиола фаолияти давомида «Барселона» ва «Бавария» клубларини ҳам бошқарган. Умуман олганда, испаниялик мутахассис барча клублари билан 37 та соврин, жумладан, учта УEФА Чемпионлар лигасини қўлга киритган.