Пеленинг 100 ёшли онасига ҳали ҳам ўғлининг ўлимини хабар қилишмаган

"Онамиз билан гаплашамиз, аммо у вазиятни билмайди. У ўзининг дунёсида яшайди. Ҳар сафар унга "Биз у учун дуо қилишимиз керак" деганимда кўзини очади. Аммо, онам аслида мен нимани назарда тутганимни англамайди", — дейди футболчининг синглиси Мария интервьюда.

Пеле 29 декабрь куни ҳаётдан кўз юмди. Унинг 82 ёшида вафот этишига рак сабаб бўлди.

Бразилия ҳукумати афсонавий Пеленинг ўлими сабаб мамлакатда уч кунлик мотам эълон қилди. У бугун ўз ниҳоясига етади.

Собиқ футболчи уч карра (1958, 1962, 1970) жаҳон чемпиони ҳисобланади. Бразилиялик шунингдек фаолиятида 1279та гол урган ҳолда Гиннеснинг рекордлар китобига киритилган.

Пеленинг онаси ноябрь ойида 100 ёшни қаршилади.