"Пахтакор": Ёш футболчиларга эътибор
09 dec 2014 14:24
News

"Пахтакор": Ёш футболчиларга эътибор

"Пахтакор" ёшлар жамоаси янги мавсумга тайёргарликни 20 декабрдан бошлайди.

Жамоа бош мураббийи Илҳом Мўминжонов тайёргарлик режаси ҳақида маълумот берди. Унга кўра, асосан 1996-98 йилларда таваллуд топган футболчилардан иборат жамоа 20 декабрь санасидан "Чилонзор" стадиони сунъий қопламали майдонида янги мавсумга тайёргарликка киришади. Илк йиғин 28 декабрь куни якунланади. Кейинги йиғин 5-30 январь кунларида ўтказилади.

1 февраль куни эса жамоа Италиянинг Виарежжио шаҳрида бўлиб ўтадиган "Коппа Карневале" мусобақасида қатнашиш учун жўнаб кетади. Бу сафар турнир 2-16 февраль кунлари ўтказилади. Шу тариқа янги мавсумга тайёргарлик олиб борилиши кўзда тутилган. Ўтган мавсумдаги бўлгани сингари 2015 йилда ҳам ёшлар жамоаси таркиби академия тарбияланувчиларидан иборат бўлади.

Link :

Source : pakhtakor.uz

Receive latest football news directly on your phone. Subscribe for our Telegram channel!

Rating: