"Навбаҳор" ҳеч кимга ютқазмаяпти, аммо...

Navbahor Jamshid Iskandarov - 47'

Superliga. Round 17 28/08/2022, 19:00 1 : 1 Finished

Pakhtakor Hojiakbar Alijonov - 52'

45'

90'

40'  Aleksandr Kasian (Zoran Marusic)

47'  Jamshid Iskandarov

80'  Jamshid Boltaboev

87'  Asadbek Sobirjonov (Mirlan Murzaev)

87'  Jamshid Iskandarov (Azim Akhmedov)

52'  Hojiakbar Alijonov

66'  Azizbek Turgunbaev (Dostonbek Hamdamov)

70'  Ilja Martinovic (Abbosbek Fayzullayev)

76'  Shahzod Azmiddinov

90'  Dragan Ceran (Mukhammadali Urinbayev)

Open in Match Center

"Шерлар" "лочинлар"га енгилмаяпти

Кечагисини ҳам қўшсак, "Навбаҳор" кетма-кет 10-ўйинда ҳам "Пахтакор"ни енга олмади. Наманган клуби ўзаро учрашувларда сўнгги бор 2018 йилда зафар қучган эди. Илҳом Мўминжонов кетганидан кейин ҳеч қайси мураббий пойтахт грандини мағлуб қилолмаяпти. 

10 ўйиннинг 4 таси "шерлар" фойдасига ҳал бўлган (6 дуранг).

"Навбаҳор" ҳеч кимга ютқазмаяпти

Самвел Бабаян шогирдларининг Суперлигадаги мағлубиятсиз серияси 12 та ўйинга етди. Бу чемпионатдаги энг яхши натида ҳисобланади (2-ўриндаги "Олимпик" футболчиларининг кураги 7 турдан бери ерга теггани йўқ).

"Навбаҳор" сўнгги бор апрель ойида "Сўғдиёна"га енгилган эди.

Голлар

Иккала жамоа чемпионат тарихида энг кўп тўқнашганини биласиз (64 марта). Жамшид Искандаров кеча "лочинлар"нинг "Пахтакор" дарвозасига урилган 49-голига муаллифлик қилди. Алижоновнинг зарбаси эса пойтахт клубининг 105-жавобига айланди.   

Жамшид собиқ жамоаси мухлисларини 1-марта ранжитган бўлса, Ҳожиакбар "Пахтакор" либосидаги 4-голини урди.

"Навбаҳор"да йўқотиш

"Пахтакор" билан ўйинда мезбонлар вакили Жамшид Болтабоев огоҳлантирилди. Бу ярим ҳимоячи учун мавсумдаги 4-сариқ карточка ҳисобланади (ПФЛ маълумоти). Шу туфайли Болтабоев "Сўғдиёна"га қарши кейинги тур доирасидаги муҳим ўйинини ўтказиб юборади. У кубок чорак финалида майдонга тушиши мумкин (бунақа дисквалификация фақат Суперлигага таъсир қилади). 

Мухлислар ташрифи

"Марказий" стадионга ўйинни томоша қилиш учун 16 950 нафар томошабин келди. Мавсумдаги энг яхши натижа Наманганга "Бунёдкор" келганида ўрнатилган эди — 26 минг (албатта, ўша учрашувга кириш мутлақо текин бўлганини унутмаслик керак). Аммо "Насаф"га қарши очилиш ўйинида ҳам чипталар 50 ва 100 минг сўмдан сотилганига қарамай, аренага деярли 20 минг томошабин келганди. 

2021 йилда ҳам "Навбаҳор" — "Насаф" ўйини "Пахтакор" билан тўқнашувга нисбатан кўпроқ мухлис тўплаган.

Мусобақа жадвали

Иккала жамоа ҳам натижадан қониқмади. Энди "Навбаҳор" 3, "Пахтакор" 4-ўринга тушиб қолиши мумкин. Бунинг учун "Насаф" бугун "Локомотив"ни, "Сўғдиёна" "Олимпик"ни ютиши керак. Агар Улуғбек Бақоев шогирдлари "олимпиячилар" билан бирга "Нефтчи"ни ҳам мағлуб қилса, якка пешқадамга айланиб олади.

Муаллифнинг телеграмдаги канали → ФА| футбол АНАЛИЗИ