«Пахтакор» Россия клубига йирик ҳисобда мағлуб бўлди

Бу ҳақда клуб матбуот хизмати хабар бермоқда.

Россия 1-дивизиони вакили, Волгограднинг «Ротор» жамоасига қарши кечган ўйинда «Пахтакор» футболчилари йирик – 1:4 ҳисобида имкониятни бой беришди.

«Пахтакор» учрашувни қуйидаги таркибда бошлаган эди: Н.Рибкин, А.Махсталиев, М.Убайдуллаев, И.Рогованов, Т.Ҳакимов, А.Юсупов, М.Фернандес, Т.Толипов, А.Солиев, А.Бабаян, С.Андреев.

Тошкентликларнинг учрашувдаги ягона голига Игорь Сергеев муаллифлик қилди. Учрашув 80-дақиқасида ҳар иккала жамоа сафида биттадан ўйинчи майдондан четлатилди.

Маълумот учун, «Пахтакор» Туркиядаги ушбу йиғин доирасида шу кунгача Россиянинг «Краснодар» жамоасига 0:1 ҳисобида имкониятни бой берган, бошқа бир рус жамоаси – «Волга» билан 0:0 ҳисобида дуранг ўйнаган эди.