Суперлига. Камчиликда қолиб кетган ва кўплаб вазиятларни кўкка совурган "Пахтакор" "Қизилқум" билан дуранг қайд этди

"Пахтакор" – "Қизилқум" 1:1
25 май. Тошкент. "Пахтакор" стадиони. 19:00
Бош ҳакам: Фарруҳ Янсупов
Қанот ҳакамлари: Расул Фозилов, Максим Нечохин
Захира ҳаками: Никита Мустафин
VAR: Равшан Абдувоҳидов
AVAR: Бахтиёрхўжа Шавкатов
Назоратчи: Александр Попов
Комиссар: Диёр Хотамқулов
Голлар: Элгуджа Лобжанидзе 42` — Достонбек Ҳамдамов 51`

"Пахтакор": 35.Павел Павлюченко, 2.Беҳруз Асқаров, 3.Шаҳзод Азмиддинов, 5.Муҳаммадқодир Ҳамралиев, 8.Диёр Ҳолматов, 10.Драган Черан, 15.Диёрбек Ортиқбоев (31.Муҳаммадали Усмонов 46), 17.Достонбек Ҳамдамов, 22.Умар Адҳамзода, 27.Сардор Собирхўжаев, 55.Муҳаммадрасул Абдумажидов.
Захира: 12.Владимир Назаров, 14.Нурлан Ибраимов, 18.Саидумархон Саиднуруллаев, 20.Дилшод Абдуллаев, 24.Кирилл Тодоров, 29.Муҳриддин Пазлиддинов, 79.Абдушукур Махаматов, 99.Аббос Эргашбоев.

"Қизилқум": 12.Роберт Озолс, 4.Илҳомжон Ваҳобов, 7.Даврон Анваров, 8.Гиорги Кухианидзе, 10.Элгужа Лобжанидзе, 13.Николай Тарасов, 17.Муҳаммадали Ғиёсов, 22.Шаҳзодбек Раҳматуллаев (71.Жамолиддин Убайдуллоев 46), 23.Самандар Шукуриллаев, 27.Шаҳбоз Жўрабеков, 77.Файзуллобек Жуманқўзиев (99.Асадбек Асадов 72)
Захира: 1.Хумоюншох Сайётов, 9.Хумоюн Абдуалимов, 14.Файзулла Қамбаров, 24.Абдуҳолиқ Турсунов, 28.Акмалжон Музафаров, 76.Рамазон Раббимов, 79.Диёр Рахматиллоев.

Pakhtakor Dostonbek Hamdamov - 51'

Superliga. Round 9 25/05/2024, 19:00 1 : 1 Finished

Qizilqum Elguja Lobjanidze - 41'

45'

90'

51'  Dostonbek Hamdamov

56'  Sardor Sobirkhodjaev

41'  Elguja Lobjanidze

Open in Match Center

Ушбу саҳифада учрашувнинг матнли трансляциясини кузатиб боришингиз мумкин бўлди.

ЯНГИЛАШ

Бўлди, Фарруҳ Янсупов финал ҳуштагини чалди ва беллашув 1:1 ҳисобидаги дуранг билан якунланди. 

90+5-дақиқа. "Пахтакор" вакили ҳужумда фол ишлатди.

90+3-дақиқа. "Қизилқум" бурчак зарбаси ишлаб олди. Бироқ бу сафар ҳам стандартдан "бир иш" чиқмади.

90-дақиқа. Учрашувнинг асосий вақтига 4 дақиқа қўшиб берилди

88-дақиқа. Ҳамралиев зўр зарба берди, аммо Роберт ҳам ажойиб сейв амалга ошириб, жамоасини муқаррар голдан қутқариб қолди.

84-дақиқа. Жўрабеков индивидуал ҳаракатлар эвазига бир неча нафар рақибларини ортда қолдириб, жарима майдончасига кириб борди ва зарба йўллади, лекин ҳимоячи охирги паллада тўп йўлига тўғаноқ бўлди. Бурчак зарбасидан кеийн иш зарбагача етиб бормади.

80-дақиқа. Черан яна бир қулай имкониятдан фойдалана олмаяпти. Ҳаводан узатилган тўпни Драган ҳимоячиларнинг таъқибисиз, хотиржам ҳолда дарвозага йўллади, лекин бу сафар ҳам мўлжалда адашди. 

75-дақиқа. Холматов ўрнидан турди ва ўйинни давом эттира олади.

74-дақиқа. Огоҳлантириш! Самандар Шукуриллаев майдон марказида рақибига нисбатан қўпол ҳаракат қилди ва карточка ишлаб олди. 

72-дақиқа. Ўзгариш! Жуманқўзиев ўйин давом эттира олмайдиган бўлиб чиқди. Унинг ўрнига Асадбек Асадов майдонга тушди.

71-дақиқа. Жуманқўзиев майдонда ётибди. Зўриқиш оқибатида, футболчининг оёқ томирлари тортишиб қолган кўринади.

68-дақиқа. "Қизилқум" тўпни назорат қилмоқда.

65-дақиқа. Муҳаммадқодир Ҳамралиев узоқ масофадан зарба йўллади, дарвозабон такрорий уринишда тўпни ушлаб олди. 

62-дақиқа. "Пахтакор" яна вазият бўлди. Бироқ охирги зарбага аниқлик етишмади. 

61-дақиқа. Черан+Ҳамдамов комбинациясидан кейин Достонбек дарвозабон билан бирга-бир вазиятда қолиши мумкин эди, лекин биринчидан, вингер тўпни ўзига ўнглай олмади, иккинчидан, ён ҳакам ўйиндан ташқари ҳолат қайд этди.

59-дақиқа. Черан "Пахтакор"ни олдинга олиб чиқиши керак эди. Умар Адҳамзоданинг фаоллигидан кейин Черан қулай вазиятдан боши билан тўпни ноаниқ йўллади. 

58-дақиқа. Бир киши кўп бўлиб олган "Қизилқум" дарҳол олдинга ташланди. Лекин узатмага аниқлик етишмади.

56-дақиқа. Огоҳлантириш! Ҳакам билан тортишгани учун Черанга сариқ!

56-дақиқа. ҚИЗИЛ! Вазиятни такроран кўриб чиққан Янсупов "Пахтакор" ярим ҳимоячисига қизил карточка кўрсатди!

"VAR". Собирхўжаевга қизил карточка кўрсатилиши мумкин.

51-дақиқа. ГОООООЛ! Ҳамдамовнинг фаоллигидан кейин тўп олиб қўйилди ва тезкор ҳужумни Достонбекнинг ўзи аниқ зарбаси билан якунлади. 

48-дақиқа. Лобжанидзега нисбатан фол ишлатилди. Файзуллобек Жуманқўзиев узатмаси қовушмади ва ҳимоячи тўпни қайтарди.

46-дақиқа. Иккинчи бўлим бошланди!

Ўзгариш! Диёрбек Ортиқбоев ўрнига эса Муҳаммадали Усмонов тушди.

Ўзгариш! Шаҳзодбек Раҳматуллаев танаффусдан қайтмади ва унинг ўрнини Жамолиддин Убайдуллаев эгаллади. 

Айнан шу паллада Фарруҳ Янсупов бўлим якунланганини билдирувчи ҳуштагини чалди — танаффус!

45+6-дақиқа. Зарбани Холматов амалга оширди — бироз ноаниқ.

45+5-дақиқа. Огоҳлантириш! Даврон Анваров олдинга ўтиб кетаётган Собирхўжаевни йиқитгани учун сариқ карточкага лойиқ кўрилди. "Пахтакор" учун яна бир стандарт, аммо масофа бироз узоқроқ.

45+4-дақиқа. Мезбонлар бурчак зарбасидан наф чиқара олмади.

Черан тўпни ердан йўналтиришга қарор қилди, ҳимоячига тегиб тўп майдонни тарк этди.

45+2-дақиқа. Жарима майдончаси яқинида Холматовга нисбатан фол ишлатилди. Хавфли вазият бўлиши мумкин. 

45-дақиқа. Биринчи бўлимнинг асосий вақтига 6 дақиқа қўшиб берилди.

44-дақиқа. "Қизилқум" вакиллари тўпни узоқлаштиришди.

42-дақиқа. ГООООООЛ! Элгужа Лобжанидзе рақибини жуда чиройли тарзда доғда қолдириб, зарба йўллади ва "Қизилқум"ни олдинга олиб чиқди.

38-дақиқа. Тўп учун курашда Ҳамдамов Гиорги Кухианидзенинг оёғини босиб олди.

35-дақиқа. "Пахтакор" дарвозаси олдида хавфли вазият юзага келди. Лобжанидзенинг зарбасидан кейин тўп тўсинга тегди ва Павлюченко уни майдондан чиқариб юборди.

33-дақиқа. Бурчакдан узатилган тўп майдонинг қарама-қарши томонидан чиқиб кетди.

Ўйин давом этади.

29-дақиқа. Абдумажидовнинг қанотдан узатмасидан кейин Достонбек Ҳамдамов тўпни дарвозага йўллаганди, лекин тўп йўлига Жўрабеков тўғаноқ бўлди... Бироқ тўп унинг қўлига тегмадимикин? "VAR" вазиятга ойдинлик киритиб беради.

28-дақиқа. "Пахтакор" тўпни ўз назоратида ушлаб турибди.

25-дақиқа. Меҳмонлар бурчак зарбаси ишлаб олишди. Узатмадан кейин Павлюченко тўпни муштлари билан узоқлаштирди.  

23-дақиқа. "Қизилқум"нинг ўнг қанотдан уюштирган ҳужуми хавфли тус олаётганди, лекин ҳимоячилар хавфни бартараф этишди.

18-дақиқа. Такрорий уринишда яна Драган зарба йўллади, аммо унинг бош билан берган зарбасидан кейин тўп мўлжалга аниқ бормади.

17-дақиқа. Яхши ҳужумдан кейин Черан ҳисобни очиши мумкин эди, аммо ҳимоячи зарба йўлига тўғаноқ бўлди.

14-дақиқа. Диёр Ҳолматовнинг яхши узатмасидан кейин Ҳамдамов тўпни жарима майдончаси марказига йўллади, лекин шериклари бу тўпга ета олишмади.

12-дақиқа. Рақиб жарима майдончасига ёриб киришда Шаҳбоз Жўрабеков ҳимоячига нисбатан фол ишлатди.

10-дақиқа. "Қизилқум"нинг ҳужуми охирига етмай қолди.

Йўқ, гол инобатга олинмади. "Шерлар" гол урган ҳужумда чиндан ўйиндан ташқари ҳолат кузатилгани ошкор бўлмоқда. 

"VAR" ишга киришди...

6-дақиқа. ГОООООЛ!  "Пахтакор" тезкор ҳужумини Достонбек Ҳамдамов ўнг қанотдан ривожлантирди ва олдинга ўтиб бориб, тўпни параллель равишда ҳаракатланаётган шеригига етказди у мўлжалда адашмади, лекин... Ҳакам ўйиндан ташқари ҳолатда қолганини қайд этишди.

4-дақиқа. Босим остида қолган "Пахтакор" ҳимоячиси тўпни майдон ташқарисига тепиб юборди.

1-дақиқа. Ўйин бошланди!