"Пахтакор" "Навбаҳор"нинг бир йўла уч етакчисини қўлга киритмоқчи
10 nov 2020 11:53
News
![](https://championat.asia/upload/storage/602779_original.jpg)
![](/upload/storage/602779_220.jpg)
"Пахтакор" "Навбаҳор"нинг бир йўла уч етакчисини қўлга киритмоқчи
"Пахтакор" янги мавсум олдидан ўз сафига бир қатор янги футболчиларни қўшиб олишни мақсад қилган. Олинган маълумотларга кўра, "Шерлар" "Навбаҳор"нинг бир йўла уч футболчисига жиддий қизиқиб қолишган.
Дарвозабон Ўткир Юсупов, ҳимоячи Игорь Голбан ва ярим ҳимоячи Азизбек Турғунбоев 2021 йилги мавсумни "Пахтакор"да бошлашлари мумкин. Маълумот учун, Ўткир Юсуповнинг "Лочинлар" билан тузган шартномаси шу йил охирида тугайди ва бошқа клубга эркин агент сифатида кетиши мумкин.
Голбан ва Турғунбоев эса "Навбаҳор" билан 2023 йил охиригача шартномага эга.
Эслатиб ўтамиз, Наманган вилояти янги ҳокими Шавкатжон Абдураззоқов "Навбаҳор" энди асосий урғуни ёш футболчиларга қаратишини маълум қилганди.
"Келаси йилдан жамоа шарафини фақат маҳаллий ёшлар ҳимоя қилишади. Биз барча наманганлик иқтидорли, ёш футболчиларни қўллаб-қувватлаймиз, инвестицияни маҳаллий ёш, иқтидорли футболчиларни етиштириб чиқариш учун йўналтирамиз", - деганди Наманган вилояти ҳокими.
Ўша йиғилишда Абдураззоқов Азизбек Турғунбоевни жамоада мақсадсиз олиб қолинганини танқид қилганди.
Маълумот учун, Турғунбоев бу мавсум 22та ўйинда майдонга тушиб, 8та гол урди ва 1та голли узатмани амалга оширди. Игорь Голбан 21та учрашувда иштирок этиб, 2та тўп киритди ва шерикларига 1та голли пас берди. Дарвозабон Ўткир Юсупов эса 20та ўйинда ҳаракат қилди ва 15та гол ўтказиб юборди. 9та баҳсда ўз дарвозаси даҳлсизлигини сақлаб қолган посбон 1та пенальтини қайтарди ва 2 марта шерикларига голли узатмани амалга оширди.
Similar news
![AMP Logo](https://championat.asia/image/logo-amp.png)
Comments