"Пахтакор" илк ўйинини ўтказганига 60 йил тўлди

Дастлабки учрашувларини Ўзбекистоннинг бош жамоаси Тошкентнинг эски шаҳар қисмида жойлашган "Спартак" стадионида ўтказган. Чунки айни пайтда юртимизнинг бош аренасига айланган "Пахтакор" стадиони 1956 йилнинг август ойида ишга туширилган.

Биринчи расмий беллашув иккинчи лиганинг "Б" класси доирасида 1956 йилнинг 8 апрель куни ўтказилган. Унда Пермь вилоятининг Молотов шаҳри жамоа билан тўқнаш келган "Пахтакор" 1:0 ҳисобида ғалаба қозонган. Ўйин қайдномаси билан танишинг:

"Пахтакор" - Пермь шаҳри жамоаси - 1:0 (1:0). "Спартак" стадиони.

"Пахтакор": Волостнов, Азизхўжаев, Козенков, Виткалов, Тазетдинов, Муқимов, Капров, Мақсудов, Канунников, Мурашов, Боркин.

Гол: Мақсудов, 44-пен.

Ҳозирга келиб жамоамиз 11 мартадан Ўзбекистон чемпионатида ва Кубогида зафар қучиб, мамлакатимизнинг энг совриндор жамоасига айланган.

"Пахтакор"нинг 60 йиллигига бағишланган тадбирлар йил давомида ўтказилиши кўзда тутилган.