"Пахтакор" иккинчи марта мавсумни мағлубиятсиз якунлади
07 nov 2014 17:22
News

"Пахтакор" иккинчи марта мавсумни мағлубиятсиз якунлади

Бугун 2014 йилги олий лига ўйинларининг сўнгги тур ўйинлари бўлиб ўтди.

Бир неча тур олдин чемпионликни расмийлаштириб бўлган Тошкентнинг "Пахтакор" клуби 26-турда "Бунёдкор" устидан 3:2 ҳисобида ғалабага эришди.

Шундай қилиб, "шерлар" 2014 йилда мағлуб бўлмаган ягона жамоага айланди. "Пахтакор" бўлиб ўтган 26та ўйиннинг 23тасида ғалаба қозонди ва 3 баҳсда рақиб билан муроса кўчаси танланди.

Ўзбекистон чемпионатлари тарихида бундай ҳолат тўртинчи бор қайд этилди. 1994 йил "Нефтчи", 2007 йил "Пахтакор" ва 2009 йил "Бунёдкор" мавсумни мағлубиятсиз тугатганди.

1994 йил "Нефтчи" 30та ўйин 21 ғалаба 9 дуранг
2007 йил "Пахтакор" 30та ўйин 26 ғалаба 4 дуранг
2009 йил "Бунёдкор" 30та ўйин 28 ғалаба 2 дуранг
2014 йил "Пахтакор" 26та ўйин 23 ғалаба 3 дуранг

Link :

Source : championat.asia

Receive latest football news directly on your phone. Subscribe for our Telegram channel!

Rating: