"Пахтакор" фахрийлари "Наврўз" Кубоги соҳиби

Таркибда ўз даврининг етакчи футболчиларидан, Шуҳрат Рахмонқулов, Нўъмон Ҳасанов, Маъруф Пўлатов, Олим Шокиров ва Фурқат Эсонбоев "Пахтакор" шарафини ҳимоя қилдилар. Шунингдек, сербиялик мураббий Драгон Дукич ва жамоа маъмури Даврон Саидов баҳсда иштирок этдилар. Учрашувнинг асосий вақти 0:0 ҳисоби билан якунига етди. Рақиб сафи нисбатан ёшроқ футболчилар билан тўлган эди: Дарвозада Алишер Аҳмедов. Яна, Февзи Давлетов, Жаъфар Ирисметов, Абдумажид Тоиров, Собир Ходиев, Александр Хвостунов, Нўъмон Нурматов, Бахтиёр Қамбаралев ва мини футболчилар, Самегов ҳамда Бўриев.
 
Пенальтилар сериясида омад "Пахтакор"га кулиб боқди, 5:4. Рақиблардан Собир Ходиев 11 метрлик зарбани аниқ амалга ошира олмади.
 
"Бундай ўйинлар биз учун керак. Ёшликни эслашга бир сабаб-да. Шунинг учун мен ёшларга доим айтаман, футболни қадрига ет, ёшликдаги даврни кейин қўмсаб юрасан деб. Тўғриси бугун рақибларимиз кучлироқ эди, чунки улар биздан анча ёшлар. Ораларида яқиндагина футболни тугатганлар кўп. Бир амалла асосий вақтда дурангга эришдик, пенальтилар сериясида эса бизга омад кулиб боқди", - дейди Шуҳрат Рахмонқулов.