"Пахтакор": Эртага “Волга” билан назорат учрашуви
20 feb 2014 19:01
News

"Пахтакор": Эртага “Волга” билан назорат учрашуви

Туркияда иккинчи ўқув йиғини ўтказаётган вакилларимиз 21 февраль куни Россия премьер лигасида тўп сураётган “Волга” (Нижний Новгород) жамоаси билан назорат учрашувида майдонга тушадилар.

Ўйин Тошкент вақти билан соат 20:00 да бошланиши режалаштирилган. Жамоа таркибида йўқотишлар бор. Комолиддин Тожиев машғулотларда кичик жароҳат олди ва “Краснодар”га қарши учрашувни ўтказиб юборган эди. Футболчи бир хафтадан сўнг майдонга қайтади. Ярим ҳимоячи Жамшид Искандаров ҳам тез орада сафга қайтиши режалаштирилмоқда. “Краснодар”га қарши ўйинда майдонда ҳаракат қилган Анвар Ражабов ўзини бироз бетоб ҳис қилгани учун эртага бўлиб ўтадиган ўйинда майдонга тушиши савол остида қолмоқда. Қолган барча футболчилар асосий таркибда машғулот олиб бормоқдалар. Жамоа таркибига кеча Тошкентдан янги футболчилар бориб қўшилдилар. Булар: Александр Лобанов, Арам Бабаян ва Игорь Роговановлардир. “Краснодар”га қарши учрашувда ҳаракат қилган аргентиналик легионер футболчи Матиас Фернандес ҳамон “Пахтакор” сафида кўрикдан ўтмоқда ва эртага жиддий рақибга қарши учрашувда майдонда тўп суриши мумкин. Олинган сўнги маълумотларга кўра, Туркиядаги иккинчи йиғин доирасида, жамоа мураббийлар штаби ҳужум чизиғида ҳаракат қилиши мумкин бўлган бир нечта футболчини кўздан кечиришни режалаштирган.

Link :

Source : pakhtakor.uz

Receive latest football news directly on your phone. Subscribe for our Telegram channel!

Rating: