Павел Пуришкин Ўзбекистонга қайтди
27 aug 2020 23:04
News

Павел Пуришкин Ўзбекистонга қайтди

Хабарингиз бор, ўтган мавсумни ПРО-Лига вакили "Оқ-тепа" сафида ўтказиб чемпионат тўпурарига айланган ҳужумчи Павел Пуришкин Уммон чемпионатига йўл олганди.

Хориждаги клуби билан амалдаги шартномаси якунига етган футболчи яна юртимизга қайтди. Биз ҳужумчининг эндиликда қайси клуб сафига қўшилиши билан қизиқдик.

"Оман" ФК клуби билан амалдаги шартномам якунига етди ва ортга қайтдим. Айни дамда формамни йўқотиб қўймаслик учун якка тартибда машғулотларни олиб бораяпман. Ҳозирча бирон клубдан таклиф олганим йўқ. Трансферлар ойнаси ёпилишига оз вақт қолди? Бундан хабарим бор. Ўйлайманки, бу муддат ичида бирон бир клуб сафига қўшилсам керак" - дейди Пуришкин.

Маълумот учун, Пуришкин Уммон чемпионатида 9 та ўйинда майдонга тушиб, 3 та гол, 4 ассист қайд этди.