Патрис Эвра “Ювентус” билан 2 йиллик шартнома имзолади

33 яшар француз футболчиси Лос-Анжелесда Турин клуби юристлари билан учрашди ва 2 йиллик шартномага имзо чекди. Эвранинг “Ювентус”даги йиллик маоши 3,5 миллион еврони ташкил қилади, деб хабар бермоқда Sky Sport Italia.

Манба маълумотига кўра. “МЮ” Эвранинг трансферидан бор йўғи 2 миллион евро олади. Яқин кунларда “Олд Траффорд”да 8 мавсумни ўтказган футболчи нима учун “Манчестер Юнайтед” клубини тарк этганлигини жамоа мухлисларига очиқ мактубида тушунтириб беради.

Таъкидлаш жоиз, Патрис ўтган мавсум якунида “Қизил иблислар” билан амалдаги шартномасини яна бир йилга узайтирганди. Эвра янги клуби машғулотларига июль ойининг сўнгги кунлари қўшилади.