Париж ресторанлари Буффон урган ҳар бир гол учун бепул пицца таклиф қилмоқда
19 sep 2018 19:46
News

Париж ресторанлари Буффон урган ҳар бир гол учун бепул пицца таклиф қилмоқда

Франция пойтахтида жойлашган ресторанлар ўзига хос ҳазиломуз таклиф билан чиқишди.

Париждаги иккита ресторан ПСЖ дарвозабони Жанлуижи Буффон урган ҳар бир гол учун хўрандаларга бепул пицца таклиф қилди. Бу ҳақда "L`Equipe" нашри хабар берди.

Буффон бутун фаолияти давомида 879та ўйин ўтказган ва бирорта гол урмаган.

Италия таомлари тайёрланадиган "Julien" деб номланган ресторан ЖЧ-2018 пайтида ҳам футбол ишқибозлари билан ҳазил қилган эди. Ўшанда ресторанда Италия терма жамоасининг мундиалда киритган ҳар бир голи учун текин тушлик берилиши ҳақида ёзилган баннер илиб қўйилган эди. Эсингизда бўлса, Италия ЖЧ-2018га чиқа олмаганди. Ўшанда жахли чиққан италиялик мухлислар баннерни ўғирлаб кетишган эди.