Папайда исмалоқ бор, Холандда эса сабзи

"Манчестер Сити" машғулот майдони ташқарисида севимли ўйинчисини кўришни кутадиганлар бу иборанинг маъносини дарров англаб олишгандир.

Норвегиялик форвард мухлислар ёнига тўхтаб, дастхат улашиши билан машҳур. Аммо  "Этиҳад" кампусига киришдан олдин Эрлингни оғзида осилган сабзи билан турган ҳолатда гувоҳи бўлишингиз мумкин.

Дарҳақиқат, сабзи истеъмол қилиш Холанднинг автомобилдаги эрмагига айланганга ўхшайди, баъзилари у шунчаки ёш мухлисларига соғлом овқатланиш учун яхши ўрнак кўрсатишга ҳаракат қилмоқда, деб тахмин қилишмоқда.

Бошқаларнинг фикрича, бу усул жорий мавсум Премьер-лиганинг тўпурарлар рўйхатида етакчилик қилиш сири саналади, Холанд "шаҳарликлар" таркибида 22 ўйинда 26 та гол урган.

Out Of Context Football Холанд машинасида сабзи еяётгани тасвирланган бир нечта суратларни Twitter аккаунтига жойлаштирди ва бу пост муҳокамаларга сабаб бўлди.

Кузатувчилардан бири: "Фарзандларингизга сабзини истеъмол қилишларини айтинг, шунда улар Холандга ўхшаб қолишади" деса, бошқаси шундай деб ёзган: "Папайда исмалоқ бор, Холандда эса сабзи".

Эслатиб ўтамиз, "Сити" форварди айни дамда топ-5 чемпионатларида тўпурар бўлиб турибди.