ЎзПФЛ "Шўртан"ни 5 миллион сўм жаримага тортди

Ғузорнинг “Шўртан” клубига 2017 йилги ноҳаваскор ва ярим профессионал футбол клублари ўртасидаги мусобақа регламенти, Тартиб-интизом Кодекси 5-Модда, 1-бўлим, 5.25-бандига асосан, шунингдек 5-Модда, 4-бўлим, 5.57-бандига кўра 5 миллион сўм миқдорида жарима белгиланди ва 2018 йил учун заявка ҳужжатларини расмийлаштириш вақтинча тақиқланди.

Агар “Шўртан” ПФК бир қатор футболчилари олдидаги қарзларидан ўз вақтида қутилмаса, мазкур клубнинг ЎФФ ҳамда ПФЛ байроғи остида ўтадиган мусобақаларда иштирок этиши масаласи кўриб чиқилади.

П.С.

5.25 бандда нима ёзилган?

Клублар ўртасида футболчиларнинг ижараси учун тўланиши керак бўлган пуллар, футболчилар, мураббийлар ёки клубнинг бошқа ходимлари олдида маош ва бошқа тўловларни вақтида тўламаслик, футболчиларнинг мақоми ва ўтиши бўйича қўмитаси қарорини ўз вақтида бажармагани сабабли жарима миқдори:

- янги футболчиларни рўйхатдан ўтказишни таъқиқлаш
- 5 000 000 сўмгача жарима
- Уч очко олиб ташлаш
- яна бир бор уч очко олиб ташлаш
- ЎзПФЛ мусобақаларидан четлатиш


5.57 бандда нима ёзилган?

ЎФФ тартиб интизом қўмитаси кўриб чиқиши шарт бўлмаган ҳолатларда ЎзПФЛ молиявий жарималар белгилаши мумкин.