ЎзПФЛ клуб лицензиялаш менежери ва бухгалтерлари учун семинар ўтказди

"ОФК лицензиялаш жараёни старт олди. Клуб 2025/26-йилги мавсум лицензиясига эга чиқиш учун ҳаракатни бошлаши талаб этилади. Мазкур жараённи муваффақиятли якунлаган юридик шахс профессионал футбол клуб мақомига эга чиқади. 

Лига лицензиялаш жараёнида клуб билан бирга ҳаракат қилади. Бунда клуб қандай ишларни амалга ошириши лозимлиги ва AFC CLAS платформаси билан қандай ишлаши лозимлиги тўлиқ тушунтирилди. Лицензиялаш регламентида акс этган ҳар бир бандга атрофлича тўхталинди.

Шунингдек, Лига уч масалага алоҳида тўхталиб ўтди: 

а) клубларнинг барқарорлик рейтинги шакллантирилаётгани ва унинг механизми қандай бўлиши;

б) клубнинг мухлислар ташрифи, бошқа ҳомийлар, трансфер, бирдамлик механизми ёки машғулот компенсациясидан топаётгани даромади масаласи;

д) футбол мактаби ва унинг тарбияланувчилари учун электрон футболчи паспортини юритиш ва бунинг қандай амалга оширилиши. 

Семинарда 22 та клуб вакиллари иштирок этди. Фақатгина Нефтчи клубидан бирорта мутахассис унда иштирок этмади", -дейилади ЎзПФЛ баёнотида.