ЎзПФЛ Ижроия қўмитаси Суперлига формати, янги мавсум тақвими, VAR тизими лицензияси тўлови ва бошқа масалаларни кўриб чиқди

Унда қуйидаги масалалар кўриб чиқилди: 

- "Суперлига ва Про лига регламенти лойиҳаси;

- Суперлига формати ва Про лигага киритилаётган ўзгаришлар масаласи;

- 2023 йилги мавсум тақвими лойиҳаси;  

- 2023 йилги мусобақаларда қатнашиш учун бадал пули, мусобақага қўшилиш бадали, легионер футболчилар ва хорижлик мутахассисларни рўйхатдан ўтказганлик учун тўлов миқдори;

- ЎзПФЛ ҳисобидаги ундиришнинг имкони мавжуд бўлмаган қарзлардан воз кечиш ва уни ҳисобдан чиқариш масаласи;

- Мусобақалар қатнашчиларига ЎзПФЛ томонидан тақдим этиладиган тўплар масаласи;

- Hawk-Eye Innovations ва ЎФА ўртасида имзоланган шартномага мувофиқ VAR тизимининг 2023 йил учун лицензияси тўловини тўлаб бериш масаласи;

- ЎзПФЛнинг Жаҳон профессионал футбол лигалари ассоциацияси аъзосига айланиши масаласи. 

Ижроқўм йиғилишида унинг 9 аъзосидан 8 нафари иштирок этди. Аъзолар орасидан Азиза Татлимуратова айни вақтда Қатарда бўлиб турганидан келиб чиқиб, йиғилишда иштирок эта олмади. 

Бугун кун давомида Ижроқўм йиғилишида кўриб чиқилган масалаларга батафсил тўхталиб ўтилади.

Эшитдик-да! Суперлига формати ўзгармайдиган бўлди