ЎзПФЛ 3-тур. “Насаф” – “Обод” учрашуви олдидан
30 mar 2016 11:36
News
![](https://championat.asia/upload/storage/203150_original.jpg)
![](/upload/storage/203150_220.jpg)
ЎзПФЛ 3-тур. “Насаф” – “Обод” учрашуви олдидан
Бўлажак учрашув жамоаларнинг биринчи расмий учрашуви сифатида тарих саҳифаларидан жой олади.
Тошкентнинг “Обод” жамоаси ўтган икки турда бор йўғи бир очкони қўлга киритди. 1-турда улар Қўқон шаҳрида маҳаллий “Қўқон-1912” жамоаси меҳмони бўлди. Учрашув қўқонликларнинг 1:0 ҳисобидаги ғалабаси билан якунланди. Хабарингиз бор, учрашувдаги ягона гол 74-дақиқада Илья Ильин томонидан киритилди.
12 март куни 2-турда “Обод” жамоаси ўз майдони – “Жар” стадионида Бухоронинг “Бухоро” жамоасини қабул қилди ва голсиз дурангга имзо чекди.
“Насаф” эса ўтган икки турда 100 фоизлик натижа қайд этиб, 6 очко тўплашга эришди.
Энг қизиқарлиси, “Обод” жамоасида клубимизнинг собиқ аъзоси Санжар Баратов тўп тепади. С.Баратов муқаддам “Насаф” жамоаси ўринбосарлари ва биринчи лигада иштирок этадиган “Насаф-2” жамоамизда ҳужумчи сифатида фаолият юритган.
Бўлажак учрашув шубҳасиз қизиқарли бўлади. Чунки турли терма жамоаларга таклиф олган ўйинчиларимиз ҳам ушбу ўйинга қадар жамоамиз ихтиёрига келиб қўшилишади. Қолаверса бу учрашув жамоамиз олдида турган Осиё чемпионлар лигаси 4-туридаги Қатарнинг “Ал-Жайиш” клубига қарши ўйинга тайёргарлик вазифасини ўтаб беради.
"Насаф"нинг “Обод”га қарши учрашуви 1 апрель жума куни соат 18:00да “Марказий” стадионда бошланади.
Жамоаларнинг ўринбосарлари ўртасидаги учрашув эса 31 март пайшанба куни соат 15:00да Спутник қўрғонидаги “Меҳнат” стадионида бошланади.
Қуйида учрашувга тайинланган ҳакамлар ҳақидаги маълумотни яна бир марта эслатиб ўтамиз.
ЎзПФЛ 3-тур. 01.04.2016.
«Насаф» (Қарши) – «Обод» (Тошкент)
“Марказий” стадион. Соат 18:00да
Бош ҳакам:Рустам Бобомуродов (Навоий),
Қанот ҳакамлари: Обид Жумаев (Навоий), Андрей Снетков (Тошкент вил.),
Захира ҳаками: Элёр Турсунов (Бухоро)
Назоратчи: Иброҳим Шарипов (Бухоро)
ЎзПФЛ вакили: А. Фролов.
Барча футбол ишқибозларини "Насаф" иштирокидаги ўйинга таклиф этиб қоламиз.
Similar news
![AMP Logo](https://championat.asia/image/logo-amp.png)
Comments