ЎзФҲМ "Андижон" – "Қизилқум" ўйинида юзага келган баҳсли вазият бўйича изоҳ берди

"Бош ҳакам ёрдамчи ва VAR билан ҳолатни кўриб чиқди. Якунда бош ҳакам тўп дарвоза чизиғини тўлиқ кесиб ўтмагани учун ушбу вазиятда гол инобатга олинмади.

Эксперт ҳакамлар гуруҳи футбол қоидаларига асосан  вазиятни таҳлил қилиб чиқди ва тўп тўлиқ чизиқни кесиб ўтмагани сабабли, гол инобатга олинмагани тўғри қарор эканлигини таъкидлади", – дейилади Ўзбекистон футбол ҳакамлари маркази хабарида.

Аввалроқ Championat.asia'нинг ҳакамлик бўйича эксперти, россиялик собиқ ҳакам Анатолий Синяев ("Алё, рэф!" (Telegram канали муаллифи) "Андижон" – "Қизилқум" учрашувидаги эпизод бўйича фикрини билдирган эди.