Ўзбекистоннинг БАА ҳамда Қатарга қарши учрашувлари учун ҳакамлар тайинланди

БАА – Ўзбекистон учрашувини австралиялик Шон Эванс бошқариб боради, унга қанотларда ҳамюртлари Жорж Лакриндис ва Оуен Голдрик ёрдам беради. 4-расмий ҳакам сифатида Жонатан Баррейро, VAR'да эса Александр Кинг ишлайди.

Шунингдек, Ўзбекистон – Қатар учрашуви хитойлик ҳакамлар бригадасига ишониб топширилган. Бош ҳакам – Ма Нинг, унга қанотларда Жоу Феи ва Жанг Ченг ёрдам беради. 4-расмий ҳакам Жин Жингюан, VAR'да эса Фу Минг фаолият олиб боради.

Эслатиб ўтамиз, БАА – Ўзбекистон учрашуви 5 июнь куни 21:00 да бошланса, Ўзбекистон – Қатар баҳси 10 июнь куни 18:45 да старт олади.