Ўзбекистонлик киберфутболчилар WSVG CIS FINAL 2015да сенсация қайд этди

Бу ҳақда infocom.uz сайти хабар бермоқда. Мусобақада Россия, Украина, Беларусия, Озарбайжон ва Ўзбекистоннинг энг кучли еспортчилари иштирок этди. Иштирокчилар 32 нафар: 22 нафар Россия ва 10 нафар МДҲ вакиллари Мальдивда ўтадиган World Series of Video Games Maldives 2015 профессионал турнирида иштирок этиш йўлланмасини қўлга киритиш учун баҳс олиб борди. Финал сенсацияси шундаки, турнирда Ўзбекистоннинг 5 нафар еспортчиси қатнашди ва гуруҳ босқичини муваффақиятли ўтказди, Муҳамадамин Турғунбоев эса мусобақада иккинчи ўринни эгаллади.

Мусобақанинг гуруҳ босқичида ҳар бир иштирокчи 7тадан ўйин ўтказиши  ва 8 нафардан ташкил топган гуруҳдаги энг яхши 4 иштирокчи кейинги босқичига йўл олиши лозим эди.

Барча еспортчиларимиз гуруҳ босқичидан муваффақиятли ўтди ва улар халқаро турнирнинг топ-16 га кира олишди. Кейинги босқичларда Муҳамадамин Турғунбоев барча рақибларини мағлуб этди, аммо финалда у Роберт Фахретдиновга мағлуб бўлди ва World Series of Video Games Maldives 2015 йўлланмасини қўлдан чиқарди.

Қайд этиш жоизки ушбу еспортчиларимиз ўз ёнларидан пул сарфлаб ушбу турнирда иштирок этишди.

FIFA турнирларини доимо ўтказишда катта ёрдам берган "Альянс Арена" ва Абдусапи Қаюмов миннатдорчилик билдирамиз - дейилади infocom.uz сайтида.