Ўзбекистонлик ҳакамлар ОФК семинарига таклиф қилинди
03 may 2016 10:30
News

Ўзбекистонлик ҳакамлар ОФК семинарига таклиф қилинди

Шу йилнинг 12 – 16 июнь кунлари Малайзия пойтахти Куала-Лумпур шаҳрида Жаҳон чемпионати-2018 саралашининг учинчи босқичида ишлайдиган ҳакамлар учун Осиё Футбол Конфедерацияси семинари бўлиб ўтади.

Ушбу семинарга ўзбекистонлик уч нафар ҳакам – Равшан Эрматов, Валентин Коваленко ҳамда Илгиз Танташав таклиф қилинган. Улар семинарларда иштирок этгач, саралашнинг сўнгги босқичи ўйинларида иш олиб бориш имкониятига эга бўлишади.

Таъкидлаш керакки, Ўзбекистон миллий терма жамоаси Жаҳон чемпионати-2018 саралашининг сўнгги босқичига йўл олган ва қуръа натижаларига кўра Эрон, Жанубий Корея, Қатар, Хитой ҳамда Сурия билан бир гуруҳга жойлашди.

Ушбу босқичдаги дастблабки учрашувни Ўзбекистон миллий терма жамоаси 1 сентябрь куни Тошкентда Сурияга қарши ўтказади.

Link :

Source : the-uff.com

Receive latest football news directly on your phone. Subscribe for our Telegram channel!

Rating: +1