Ўзбекистон вакиллари Осиё чемпионатининг икки учрашувида иштирок этишди
01 may 2014 12:15
News

Ўзбекистон вакиллари Осиё чемпионатининг икки учрашувида иштирок этишди

Вьетнамнинг Хо Ши Мин шаҳрида 30 апрель куни старт олган футзал бўйича Осиё чемпионатининг биринчи кун учрашувларидан иккитаси Ўзбекистон вакиллари иштирокида ўтди.

Футзал бўйича Ўзбекистон миллий терма жамоаси Осиё чемпионати баҳсларини 1 май куни бошлаши тўғрисида ҳабар берган эдик. Гарчанд шундай бўлса ҳам, Вьетнамда старт олган мусобақанинг илк кунида ўтказилган тўртта ўйиндан иккитасида Ўзбекистон вакиллари қатнашди.

“А” гуруҳида бўлиб ўтган мезбон Вьетнам ҳамда Ироқ терма жамоалари иштирокидаги учрашувда ФИФА рефериси Шуҳрат Пўлатов иккинчи ҳакам сифатида ўйинни бошқариб борди. Эслатиб ўтамиз, мазкур баҳс Ироқ терма жамоасининг 2:1 ҳисобидаги ғалабаси билан якун топди.

“В” гуруҳидан жой олган Австралия – Хитой учрашувига Ўзбекистон футбол Федерациясининг матбуот бўлими бошлиғи Санжар Ризаев комиссарлик қилди. Ризаев иштирок этган ўйинда ҳам 2:1 ҳисоби қайд этилди. Унда австралияликлар 3 очкони қўлга киритишди. Таъкидлаш жоиз, Санжар Ризаев 1 май куни Ўзбекистон терма жамоаси билан бир гуруҳдан жой олган Япония ҳамда Жанубий Корея терма жамоалари ўртасидаги учрашувга комиссарлик қилади.

Link :

Source : the-uff.com

Receive latest football news directly on your phone. Subscribe for our Telegram channel!

Rating: