Ўзбекистон вакиллари футзал бўйича УЕФА кубоги ярим финал ўйинларини кузатишади
23 apr 2014 16:51
News

Ўзбекистон вакиллари футзал бўйича УЕФА кубоги ярим финал ўйинларини кузатишади

Ўзбекистон футзал уюшмаси биринчи вице-президенти Мухтор Хошимов ҳамда ЎФФ болалар, ўсмирлар ва оммавий футбол Бошқармаси бошлиғи ўринбосари Аваз Мақсумовлар футзал бўйича УЕФА Кубоги ярим финал ўйинларини кузатиш учун Боку шаҳрига учиб кетишди.

24 апрель куни Озарбайжон пойтахти Боку шаҳрида футзал бўйича УЕФА Кубоги ярим финал ўйинлари бўлиб ўтади. Ярим финалнинг илк ўйинида, УЕФА Кубогининг амалдаги чемпиони – Қозоғистоннинг «Қайрат» клуби Москванинг «Динамо» клубига қарши баҳс олиб борса, иккинчи жуфтликда Бокунинг «Араз» клуби Испаниянинг «Барселона» клубига қарши ўйнайди.

Озарбайжон Футбол Федерациялари Уюшмаси таклифига кўра, мазкур баҳсларни кузатиш учун, Ўзбекистон Футзал Уюшмаси биринчи вице-президенти Мухтор Хошимов ва ЎФФ болалар, ўсмирлар ва оммавий футбол Бошқармаси бошлиғи ўринбосари Аваз Мақсумовлар 23 апрель куни Озарбайжон пойтахтига учиб кетишди.

Link :

Source : the-uff.com

Receive latest football news directly on your phone. Subscribe for our Telegram channel!

Rating: