Ўзбекистон ва Россия чемпионлари учрашувидан ФОТОГАЛЕРЕЯ

Бундан ташқари, дунёнинг турли клублари айнан амирликларда йиғин ўтказишмоқда. Бугун "championat.asia" ижодий гуруҳи иккига бўлинди. Биринчи гуруҳ Эктор Купер ва Жавоҳир Сидиқов иштирокидаги матбуот анжумани ҳамда терма жамоамизнинг Японияга қарши ўйиндан олдинги расмий машғулотини ёритиш мақсадида Ал Айндаги "Ҳалифа Бин Зайед" стадионига йўл олди.

Иккинчи гуруҳ эса аввалига Жабел Алида ўтказилган Тошкентнинг "Локомотив" ва Москванинг "Спартак" клублари ўртасидаги назорат ўйинини, кейин эса ОК-2019 "C" гуруҳи доирасидаги Қирғизистон - Филиппин (3:1) учрашувини ёритиб бориш мақсадида Дубайда қолди. "Темирйўлчилар" москваликларга йирик ҳисобда мағлуб бўлишгани ҳақида олдинроқ хабар берган эдик. Ана шу учрашувдан суратларни сайтимизнинг махсус бўлими орқали томоша қилишингиз мумкин. >>>>> ФОТОГАЛЕРЕЯ

"Championat.asia" ижодий гуруҳи назорат ўйини ўтказиладиган майдонга ҳар иккала жамоадан ҳам олдин етиб борди.

Андрей Фёдоров ва Мирко Йеличич.

"Локомотив" бош мураббийи Андрей Фёдоров ҳамда "Спартак" устози Олег Кононов беллашувдан олдин "CA"га қисқа интервью берди.

Москваликларнинг бразилиялик ҳужумчиси Луис Адрианонинг қўл телефони.

"Спартак"нинг янги легионери, чап қанот ҳимоячиси Айртон Лукас. Имиджига жуда бошқача эътибор берадиган ўйинчи экан ўзиям)

"Спартак" - "Локомотив" учрашуви "Jebel Ali Shooting club"га қарашли футбол майдонида ўтказилди.

"Спартак"нинг бошланғич таркиби.

"Локомотив"нинг бошланғич таркиби.

Баҳсда ҳисобни Александр Ташаев чиройли зарбаси билан очди.

Орадан 2 дақиқа ўтиб "темирйўлчилар"нинг янги аъзоси Жамшид Искандеров чиройли гол эвазига мувозанатни тиклади.

Учрашувдан суратларни сайтимизнинг махсус бўлими орқали томоша қилишингиз мумкин. >>>>> ФОТОГАЛЕРЕЯ

Толибжон Қосимов
Дубай, БАА