Latest news

01:50УХХХХХХ! "Ал Ҳилол"нинг собиқ бош мураббийи "Ал Насср"ни бошқаришга рози бўлди  1 00:54Расман: Поль Погба - "Монако" футболчиси!  2 00:36Акмал Рустамов: "Йигитларнинг барчасига раҳмат айтаман, улар бор кучи билан ҳаракат қилишмоқда"  1 00:12Клублар ўртасидаги ЖЧ. "Бенфика" - "Челси" баҳси асосий таркиблари маълум!  2 00:10Мирко Йеличич: "Биз 60 дақиқа яхши ўйнадик"  0 23:55Суперлига. Алибоев супергол урган баҳсда "Нефтчи" "Қизилқум" билан дуранг ўйнади, "Навбаҳор" эса "Машъал"ни йирик ҳисобда енгди  0 23:51Клублар ўртасидаги ЖЧнинг биринчи чорак финалчиси маълум!  0 23:38Виталий Левченко: "Агар реализация яхшироқ бўлганида, ўйин натижасини ҳал қилиб бўлган бўлар эдик"  16 23:23Сергей Лушчан: "Мавсум аввалида бизда аниқ бир мақсад йўқ эди, ҳозир эса... Футболчимизда хориждан таклиф бор"  7 22:50Уильямсни сотиб олса ҳам "Барселона" Рэшфордни трансфер қилишга уриниб кўради  5 22:31Фарҳод Нишонов: "Бир нечта футболчиларимизда Суперлигадан клубларидан таклифлар бор"  0 22:13Асрор Алиқулов: "Чарчоқ ёки иссиқ ҳаво деган гаплар қуруқ баҳона. Ҳар бир учрашув ҳам ўхшайвермайди"  4 21:57Суперлига. "Қизилқум" сўнгги дақиқаларда гол уриб, "Нефтчи"ни ғалабадан маҳрум қилди  70 21:21ПроЛига. "Олимпик Мобиуз" "Олимпик" дарвозасига жавобсиз 4та гол урди ва пешқадамликни қўлига олди  1 20:55Суперлига. "Навбаҳор" ўз майдонида "Машъал"га жавобсиз 6 та тўп йўллади, Ғуломовда дубль, Жияновда 3 та ассист!  67

Ўзбекистон ва Қатар футбол ассоциациялари ўртасида ҳамкорлик шартномаси имзоланди News

Ўзбекистон ва Қатар футбол ассоциациялари ўртасида ҳамкорлик шартномаси имзоланди

Бугун пойтахтимиздаги "Hilton" меҳмонхонасида Ўзбекистон ва Қатар футбол ассоциациялари президентлари Абдусалом Азизов ва Шайх Ҳамад бин Ҳалифа Бин Аҳмад Ал Тани ўртасида Ҳамкорлик шартномасини имзолашга бағишланган учрашув бўлиб ўтди.

Икки мамлакат футбол ассоциациялари ўртасида имзоланган меморандумда кўзда тутилган кўп йиллик ҳамкорлик алоқалари бугун янги босқичга чиқди.

Бугун ЎФА президенти Абдусалом Азизов ва ҚФА президенти Шайх Ҳамад бин Ҳалифа Бин Аҳмад Ал Тани амалда бўлган ушбу меморандумга қўшимча сифатида футболни ривожлантириш, футбол бирдамлигини ошириш, ўзаро тажриба алмашиш, мусобақалар ташкилотчилиги, мураббийлар малакаси ва футбол жараёнлари хавфсизлиги билан боғлиқ масалаларни ўз ичига олган ҳамкорлик шартномасини имзоладилар.

Раҳбарлар ушбу ҳамкорлик шартномаси сўнгги давр мобайнида кўплаб ҳамкорликларга замин яратганлиги алоҳида таъкидладилар. Шунингдек, улар келажакда ҳам Ўзбекистон ва Қатар футбол ассоциациялари ўртасидаги муваффақиятли ҳамкорлик ривожланишда давом этишига ишонч билдирди.

ЎФА раҳбари Абдусалом Азизов футболни ривожлантириш, айниқса, терма жамоаларга фойда келтирадиган иқтидорли футболчиларни тарбиялаш, терма жамоаларни тизимли равишда шакллантириш муҳим эканлигини эътироф этиб, бу борада Қатарнинг катта тажрибаси муҳим эканлигини таъкидлаб ўтди. 

“Мен Қатар футбол ассоциациясининг сўнгги бир неча йил ичида самарали ҳамкорликни давом эттириш бўйича амалга оширган ишларини жуда қадрлайман. Яқин келажакда ҚФА билан ҳамкорликда ушбу меморандум икки мамлакат футбол ассоциацияларига тақдим этадиган имкониятлардан унумли фойдаланишимизни истайман. Биз мураббийларнинг малакасини ошириш ва яна кўплаб долзарб масалаларда Қатар томони билан яқин ҳамкорлик қилаётганимиздан мамнунмиз", - деди Абдусалом Азизов.

Шунингдек, ЎФА президенти Қатар мамлакатини 2022-йилги Жаҳон чемпионати арафасида кўплаб халқаро футбол тадбирларини ўтказаётганини эътироф этди. Қатарнинг бу борадаги тажрибаси келажакдаги ҳамкорлик учун жуда яхши имконият бўлиши мумкинлигини таъкидлади.

Ўз навбатида, Шайх Ҳамад ҚФА ва ЎФАни бир-бирига боғлаб турадиган азалий муносабатларни этироф этди.

“Мен бугун ушбу шартномани имзолаш ва ўзаро мустаҳкам муносабатларимизни кенгайтириш учун Ўзбекистонга ташриф буюрганимдан бахтиёрман. Сўнгги бир неча йил давомида амалдаги Меморандум жадал суратдаги ҳамкорлик алоқаларига туртки бўлди ва ҳар икки футбол ассоциацияга ҳам катта фойда келтирди. Аммо, мен Ўзбекистон футбол ассоциациясини янада яқинроқ ҳамкорлик қилиш ҳамда Қатар футболи ва Қатар футбол ассоциацияси юртингиз футболига амалий фойда келтириши тарафдориман”, - деди ҚФА президенти.

Келишувга киритилган янги қўшимчалар сифатида икки футбол ассоциацияси томонидан келишилган ўйинлар ва футболдаги коррупция хавфини енгиш учун амалга оширилган ишларни янада ривожлантиришга ўз хиссасини қўшиши таъкидланди. Сўнгги бир неча йил давомида Ўзбекистон футбол ассоциацияси томонидан ушбу йўналишда амалга оширилаётган ишлар алоҳида эътироф этилди.

Шайх Ҳамад бин Ҳалифа Бин Аҳмад Ал Тани ЎФА президентини Ўзбекистон 2022-йилги 23 ёшли футболчилар ўртасида ўтадиган Осиё кубоги мусобақасига мезбонлик ҳуқуқини қўлга киритгани билан табриклади ва ҚФАнинг барча масалада ёрдамга тайёр эканлигини айтиб ўтди.

Ўзбекистон ва Қатар футбол ассоциациялари раҳбарлари давом этаётган коронавирус пандемияси даврида Осиё футбол конфедерациясига аъзо ассоциациялар футболни ривожлантириш учун кўпроқ ҳамкорлик қилишлари зарурлигини таъкидладилар. Шунингдек, суҳбат давомида ОФК мусобақаларига тегишли бошқа бир қатор масалалар ҳам кўриб чиқилди.

Rating: -24   

Comments

championat.asia
< show latest news
Яндекс.Метрика