Ўзбекистон U-22 терма жамоаси «Ҳатта» ва «Остона»га қарши ўйнайди
06 jan 2014 09:24
News

Ўзбекистон U-22 терма жамоаси «Ҳатта» ва «Остона»га қарши ўйнайди

Ўзбекистон U-22 терма жамоаси кеча, 5 январь куни ўқув-машғулот йиғинларини ўтказиш Дубайга етиб боргани ҳақида хабар бергандик.

Шуҳрат Мақсудов қўл остидаги Ўзбекистон U-22 10 январга қадар БААда шуғулланади, шундан сўнг Уммонга – Осиё чемпионатига йўл олади. Бу ҳақда ЎФФ расмий твиттери хабар берди.

"БАА йиғини доирасида 2та ўртоқлик учрашуви режалаштирилган. Режа бўйича, дастлабки ўйин 6 январда Дубайнинг «Ҳатта» жамоасига қарши бўлади. Шуҳрат Мақсудов шогирдлари 2-назорат ўйинини 8 январь куни Қозоғистоннинг «Остона» жамоасига қарши ўтказиши режалаштирилган", - деб ёзилади ЎФФ расмий твиттерида.

Ушбу ўйинларда терма жамоа асосий таркибини, шунингдек, футболчиларнинг тайёргарлик ҳолатини аниқлаб олиш мақсад қилинган.

Уммондаги U-22 Осиё чемпионати-2013 2014 йилнинг 11-26 январь кунлари бўлиб ўтади. Ўзбекистон мусобақанинг «D» гуруҳидан ўрин олган. Шуҳрат Мақсудов жамоаси 12 январда Хитой, 14 январда Ироқ ва 16 январь куни Саудия Арабистонига қарши баҳс олиб боради.

Link :

Source : championat.asia

Receive latest football news directly on your phone. Subscribe for our Telegram channel!

Rating: