Ўзбекистон U-22 Қирғизистонга қарши ҳар икки ўйинни "Жар"да ўтказади
04 may 2015 17:32
News

Ўзбекистон U-22 Қирғизистонга қарши ҳар икки ўйинни "Жар"да ўтказади

Ўзбекистон олимпия терма жамоаси қирғизистонлик тенгдошларига қарши "Жар стадионида ўйнайди.

Аввалроқ, Бахтиёр Ашурматов бошчилигидаги Ўзбекистон Олимпия терма жамоаси Қирғизистон билан иккита ўртоқлик учрашуви ўтказиши ҳақида хабар бериб ўтган эдик.

Ушбу ўйинларнинг ҳар иккиси ҳам Тошкентдаги “Жар” стадионида бўлиб ўтади. Биринчи ўйин 5 май куни, иккинчиси эса эртасига, 6 май куни, ўтказилишига келишиб олинган. Ҳар икки учрашув ҳам Тошкент вақти билан соат 16:30да бошланади.

Эслатиб ўтамиз, Ўзбекистон U-22нинг Қатардаги Осиё Чемпионатига йўл олиш масаласи саралаш босқичининг "B" гуруҳидаги ўйинлар натижасига боғлиқ бўлиб турибди. Қирғизистон эса айнан шу гуруҳдан ўрин олган. Ушбу гуруҳ ўйинлари 16-24 май кунлари бўлиб ўтади.

Link :

Source : the-uff.com

Receive latest football news directly on your phone. Subscribe for our Telegram channel!

Rating: