Ўзбекистон U-22 Осиё чемпионатига мезбонлик қилиши мумкин
12 sep 2014 17:51
News

Ўзбекистон U-22 Осиё чемпионатига мезбонлик қилиши мумкин

Ўзбекистон футбол бўйича 22 ёшгача бўлган футболчилар ўртасидаги 2016 йилги Осиё чемпионатини ўтказишга ариза топширган.

Бу ҳақда ЎФФ расмий твиттери хабар берди.

ОФК Терма жамоалар мусобақалари бўлими бошлиғи Гоко Суминори, ОАВ ва алоқалар бўлими бошлиғи Четан Кулькарни Ўзбекистонга ташриф буюради.

Суминори ва Кулькарни 22-24 сентябрь кунлари U22 Осиё чемпионати ўтказиладиган стадионлар ва машғулотлар майдонларини кўздан кечиради.

U22 ОЧ Тошкентдаги қуйидаги стадионларда ўтказилиши мумкин: 1. “Бунёдкор” 2. ЖАР 3. “Пахтакор” 4. Транспорт муҳандислари институти стадиони.

ОФК делегацияси, шунингдек, делегациялар учун таклиф қилинган меҳмонхоналар, транспорт, логистика ва бошқа умумий шароитлар билан танишади.

2016 йилги 22 ёшгача бўлган футболчилар ўртасидаги Осиё чемпионати параллел равишда Олимпиада ўйинларига саралаш вазифасини ҳам ўтаб беради.

Link :

Source : championat.asia

Receive latest football news directly on your phone. Subscribe for our Telegram channel!

Rating: