Ўзбекистон U-19 - Хитой U-19. Исломжон Қобилов майдонга тушмайди

Гуруҳда биринчи ўринни қўлга киритиб бўлган Ўзбекистон сафида битта йўқотиш мавжуд. Жамоа сардори Исломжон Қобилов ўтган турда Австралия билан баҳсда қизил карточка олиб майдонни тарк этган эди. Шу сабаб ҳимоячи Хитой билан учрашувда иштирок эта олмайди. 2та ўйинлик дисквалификация муддатини ўтаб бўлган бошқа бир ҳимоячи Ҳусниддин Ғофуров эса майдонга тушиши мумкин.

Эслатиб ўтамиз, Ўзбекистон ва Хитой ўртасидаги ўйин бугун, 21 октябрь куни Тошкент вақти билан соат 21:30да бошланади. Мазкур баҳс мусобақа жадвалига ҳеч қандай таъсир кўрсатмайди. Тожикистон ҳамда Австралия ўртасидаги ўйинда иккинчи йўлланма эгаси аниқланади.