Ўзбекистон U-19 терма жамоаси Иорданияда 2 та ўртоқлик ўйини ўтказади

Айни пайтда Ўзбекистон ёшлар терма жамоаси Саудия Арабистони мезбонлик қиладиган саралаш баҳсларига тайёргарлик жараёнини давом эттирмоқда.

Отабек Ғуломхўжаев бошчилигидаги Ўзбекистон ёшлар терма жамоаси тайёргарлик доирасида бир қатор мусобақа ва ўртоқлик ўйинларида майдонга тушмоқда.

Сентябрь ойида Ўзбекистон ёшлар терма жамоаси 2 та ўртоқлик ўйини ўтказади. Вакилларимиз 13-18 сентябрь оралиғида Иорданияда машғулотлар олиб боришади. Мазкур ўқув-машғулот йиғини доирасида Иордания ёшлар терма жамоасига қарши 2 марта баҳс юритилиши кўзда тутилган. Дастлабки учрашув 15 сентябрь куни бўлиб ўтса, иккинчи ўртоқлик ўйини 17 сентябрь куни ўтказилади.