Ўзбекистон U-19. Шомуродов ва Шукуров Арманистонга боради
06 jun 2014 12:01
News

Ўзбекистон U-19. Шомуродов ва Шукуров Арманистонга боради

Ўзбекистон U-19 ёшлар терма жамоаси 9 июнь куни навбатдаги йиғинини ўтказиш учун Арманистон пойтахти Ереванга учиб кетади.

1995 ва ундан кейинги йилларда туғилган Ўзбекистон U-19 ёшлар терма жамоаси 12 ва 14 июнь кунлари Ереванда Арманистон U-19 ёшлар терма жамоасига қарши иккита ўртоқлик учрашувини ўтказaди.

Ушбу хориж йиғинига "Машъал" клубидан ҳам икки футболчи жалб этилди. Арманистонда Отабек Шукуров ва Элдор Шомуродов терма жамоамиз билан бирга бўлади. Икки футболчимиз ҳам бугун "Навбаҳор"га қарши учрашувдан сўнг Тошкентга жўнаб кетади.

Эслатиб ўтамиз, Ўзбекистон U-19 ёшлар терма жамоаси октябрь ойида Мьянмада ташкил этиладиган ёшлар ўртасидаги Осиё чемпионати баҳсларига тайёргарлик кўрмоқда.

Мусобақа финал босқичида Ўзбекистоннинг ёш футболчилари «В» гуруҳида Австралия, БАА ва индонезиялик тенгқурларига қарши баҳс олиб боради.

Link :

Source : fcmashal.uz

Receive latest football news directly on your phone. Subscribe for our Telegram channel!

Rating: