Ўзбекистон U-19 қизлар термаси Озарбайжонни мағлуб этди
05 may 2017 18:55
News

Ўзбекистон U-19 қизлар термаси Озарбайжонни мағлуб этди

Бугун Ўзбекистон U-19 қизлар терма жамоаси Тошкентда Озарбайжон қизларига қарши иккинчи ўртоқлик учрашувини ўтказди.

3 май кунги дастлабки баҳсда 0:0 ҳисоби қайд этилганди. Бугунги ўйинда эса қизларимиз ғалабани тантана қилишди.

Ўзбекистон U-19 - Озарбайжон U-19 - 2:0
Голлар: Мафтуна Шоимова, Умида Зоирова

Ушбу ўртоқлик ўйинлари ўзбекистонлик футболчи қизлар учун U-19 Осиё чемпионати–2017 мусобақасига тайёргарлик вазифасини ўтайди.

Эслатиб ўтамиз, қизлар ўртасидаги U-19 Осиё чемпионати–2017 мусобақаси 14–28 октябрь кунлари Хитойда бўлиб ўтади. Турнир якунига кўра 1–3 ўринларни эгаллаган терма жамоалар аёллар ўртасидаги U-20 Жаҳон чемпионати–2018 йўлланмасига эга бўлади.