Ўзбекистон U-19 ўртоқлик ўйинида Беларусь ёшлар терма жамоасини мағлуб этишди
08 may 2016 16:14
News

Ўзбекистон U-19 ўртоқлик ўйинида Беларусь ёшлар терма жамоасини мағлуб этишди

Айни дамда Беларусьнинг Минск шаҳрида ўзининг навбатдаги йиғинини ўтказаётган Ўзбекистон U-19 ёшлар терма жамоаси 1998 йил ва ундан кейин туғилган футболчилардан иборат Беларусь ёшлар терма жамоасига қарши ўртоқлик учрашувида майдонга тушди.

Минск яқинидаги Молодчено шаҳрида бўлиб ўтган ўртоқлик учрашувида Жасур Абдураимов бош мураббийлигидаги Ўзбекистон ёшлар терма жамоаси рақибини йирик – 3:0 ҳисобида мағлубиятга учратди. Таъкидлаш лозим, мазкур учрашувда Беларусь терма жамоаси 18 ёшгача бўлган футболчилардан иборат таркибни майдонга туширди. Ўйин бошидан тўлиқ устунликка эришган Ўзбекистон ёшлар терма жамоаси 9-дақиқадаёқ Азиз Ғаниевнинг узоқ масофадан киритган голидан сўнг ҳисобни очишди.

Учрашувнинг иккинчи бўлими 49-дақиқасида Санжар Қодирқулов ҳамда 89-дақиқасида Саиджамол Давлатжонов томонидан киритилган голлар Ўзбекистон ёшлар терма жамоасига йирик ғалабани тақдим этди – 3:0.

Мазкур терма жамоалар ўртасидаги иккинчи ўртоқлик учрашуви 9 май куни бўлиб ўтади.

Ўртоқлик учрашуви.
Беларусь, Молодчено.
Беларусь U-18 – Ўзбекистон U-19 - 0:3.
Голлар: Азиз Ғаниев (9), Санжар Қодирқулов (49), Саиджамол Давлатжонов (89).

Link :

Source : the-uff.com

Receive latest football news directly on your phone. Subscribe for our Telegram channel!

Rating: +9