Ўзбекистон U-19 аёллар терма жамоаси назорат ўйинида «Бунёдкор»ни мағлуб этди
02 aug 2014 16:25
News

Ўзбекистон U-19 аёллар терма жамоаси назорат ўйинида «Бунёдкор»ни мағлуб этди

Тошкент шаҳрида ўзининг навбатдаги йиғинини ўтказаётган Ўзбекистон U-19 аёллар терма жамоаси 1 август куни куни Тошкентнинг «Бунёдкор» клуби аёллар жамоасига қарши назорат ўйинини ўтказди ва 3:0 ҳисобида ғалаба қозонди.

Айни дамда Вячеслав Солохо бош мураббийлик қилаётган Ўзбекистон U-19 аёллар терма жамоасининг Тошкентдаги йиғини 29 июль куни бошланган ва бу йиғинга жами 23 нафар футболчи таклиф этилган. 30 июль куни Ўзбекистон U-19 аёллар термаси Бекободнинг «Металлург» клуби аёллар жамоасига қарши назорат ўйинида майдонга тушиб 2:1 ҳисобида ғалаба қозонган эди.

Маълумот ўрнида, 3 август кунигача Тошкентда машғулот ўтказадиган Ўзбекистон U-19 аёллар терма жамоаси йиғинни давом эттириш учун 4 август куни Вьетнамга учиб кетади. Мазкур йиғин давомида Ўзбекистон U-19 аёллар терма жамоаси мезбон - Вьетнам U-19 аёллар термаси билан иккита ўртоқлик учрашувини ўтказиши режалаштирилган. Режага кўра, мазкур ўртоқлик ўйинлари 6 ва 8 август кунлари бўлиб ўтади.

Таъкидлаш лозим, ушбу йиғин Ўзбекистон U-19 аёллар терма жамоаси учун ноябрь ойида бўлиб ўтадиган Осиё Чемпионати саралаш босқичи учун тайёргарлик вазифасини ўтаб беради.

Назорат учрашуви.
1 август, жума.
Ўзбекистон U-19 (аёллар) - «Бунёдкор» (аёллар) 3:0
Голлар: Н. Қудратова (2та), Л. Норбекова.

Link :

Source : the-uff.com

Receive latest football news directly on your phone. Subscribe for our Telegram channel!

Rating: