Ўзбекистон U-19 аёллар терма жамоаси Хитойдаги дастлабки машғулотни ўтказди
13 oct 2017 21:14
News

Ўзбекистон U-19 аёллар терма жамоаси Хитойдаги дастлабки машғулотни ўтказди

Ўзбекистоннинг 19 ёшгача бўлган аёллар терма жамоаси футбол бўйича Осиё чемпионатида иштирок этиш учун Хитойнинг Нанкин шаҳрига етиб келгани ҳақида аввал хабар қилгандик.

Бахром Норсафаров бошчилигидаги футболчи қизлар Хитойдаги дастлабки машғулотни ўтказишди.

Машғулотни енгил машқлар билан бошлаган терма жамоа аъзолари кейин тўп билан ишлашга асосий эътиборни қаратишди.

Футболчи қизлар машғулотини синчковлик билан кузатиб борган мураббийлар штаби вакиллари зарур ҳолларда уларга тегишли кўрсатмалар бериб туришди. Чигалёзди машғулотларидан сўнг навбат ўйиндаги турли вазиятларни юзага келтириш ва ушбу вазиятларда қандай ҳаракатланишни таҳлил қилишга келди.

Ўзбекистон U-19 аёллар терма жамоаси бош мураббийи Баҳром Норсафаров тактик йўналиш бўйича шогирдларига муҳим маслаҳатлар берди ва уларни амалга оширишда хатога йўл қўймасликни назорат қилиб турди.

Қизиқарли ва кўтаринки кайфиятда ўтган машғулот жараёни деярли икки соатга яқин давом этди.

Ўзбекистон U-19 аёллар терма жамоаси Осиё чемпионатидаги илк учрашувини 15 октябрь куни Хитой терма жамоасига қарши ўтказади.

Link :

Source : the-uff.com

Receive latest football news directly on your phone. Subscribe for our Telegram channel!

Rating: +1