Ўзбекистон U-16 иккинчи ўйинда ҳам йирик ҳисобда ғалаба қозонди (тўлиқ шарҳ)

Темур Олимхўжаев бошчилигидаги Ўзбекистон ўсмирлар терма жамоасига иккинчи турда саралаш босқичида “А” гуруҳи ўйинларига мезбонлик қилаётган Фаластин жамоасига қарши майдонга тушди.

Учрашув тўлалигича Ўзбекистон U16 терма жамоаси устилигида ўтди. Дастлабки бўлимдаёқ Олимхўжаев шогирдлари рақиб дарвозасини тўрт маротаба ишғол қила олди.

Дастлабки гол стандарт вазиятдан сўнг киритилди. Бурчакдан узатилган тўп Ихтиёр Холдоров оёғига келиб тушди. Унинг аниқ зарбаси ҳисоб очилишига чабабчи бўлди. Ўйиннинг 20-дақиқасида Абдулҳай Исмоилов ҳисобдаги фарқни оширди. Шундан сўнг жамоа сардори Абубакр Мўйдинов 29 ва 33-дақиқаларда иккита гол киритиб, дубл қайд этди. Мўйдиновнинг дастлабки голи 11 метрлик жарима нуқтасидан киритилди. Биринчи бўлим Ўзбекистоннинг 4:0 ҳисобидаги ғалабаси билан якунланди.

Учрашувнинг иккинчи бўлимида ҳам Ўзбекистон ўсмирлар терма жамоаси кўплаб хавфли вазиятлар ярата олди. Бироқ фақат ўйин якунига бориб вазиятлардан унумли фойдаланилди. 83-дақиқада Бахромжон Соатов ўз исмини таблога ёздириб қўйган бўлса, учрашувдаги сўнгги голни 89-дақиқада Остон Ўрунов киритди.

Ўзбекистон ўсмирлар терма жамоасининг саралаш босқичидаги сўнгги ўйини Яманга қарши бўлади. 20 сентябрда бўлиб ўтадиган ушбу учрашув Тошкент вақти билан 19:00да бошланади.

U-16 Осиё чемпионати саралаши.

"A" гуруҳи тақвими
16 сентябрь
19:00 - Ўзбекистон - Мальдив 8:0 
20:00 - Яман - Фаластин 2:0

18 сентябрь
18:00 - Мальдив - Яман 0:6
19:00 - Фаластин - Ўзбекистон 0:6 

20 сентябрь
19:00 - Ўзбекистон - Яман 
19:00 - Фаластин - Мальдив

U16 Осиё чемпионати саралаши

“А” гуруҳи, 2-тур.

Фаластин U-16 - Ўзбекистон U-16  0:6

Голлар: Ихтиёр Холдоров (13), Абдулҳай Исмоилов (20), Абубакр Мўйдинов (29, 33), Баҳром Соатов (82), Остон Ўрунов (89).

Огоҳлантириш: Абубакр Мўйдинов (63)

Фаластин U-16: 22.Умар Заанин, 2. Амид Савафта, 7. Аҳмад Абурдаҳа, 9. Муҳаммад Аббосий, 10.Аҳмад Алмзайин, 13. Муҳаммад Ҳаммо, 14.Осайд Ясин (3.Суҳаил Яҳё - 51), 18. Мутаз Ал Хоурани (11. Аҳмад Абдуҳаснеин - 45), 21. Аҳмад Абдукешек, 24. Муҳаммад Сваити (8.Жиҳод Буират), 41. Аҳмад Элейян

Ўзбекистон U-16: 1. Хожиакбар Жўраев, 2. Мардон Абдуллаев, 3. Ислом Каримов, 4. Ихтиёр Холдоров, 5. Абубакр Мўйдинов, 6. Остон Ўрунов, 7. Абдулҳай Исмоилов, 8. Шухрат Неъматов (32. Абдунозир Абдураҳмонов - 46), 9. Баҳромжон Соатов, 10. Собиржонов Асадбек  (19. Далер Мирзахўжаев-46  (36.Абдуғани Камолов- 69) ), 50. Бурхон Ҳасанов