Ўзбекистон U-16 аёллар терма жамоаси ўртоқлик турнирини йирик ғалаба билан бошлади

Ушбу турнир бу жамоага шу йилнинг 4 — 9 ноябрь кунлари бўлиб ўтадиган Осиё чемпионатига тайёргарлик вазифасини ўтаяпти.

Вейфанг шаҳрида бўлиб ўтаётган турнирда Ўзбекистон U-16 аёллар терма жамоасидан ташқари Хитой, Малайзия ҳамда Қирғизистон жамоалари иштирок этмоқда.

Дастлабки учрашувда Бахром Норсафар шогирдлари Қирғизистонга қарши майдонга тушиб, йирик ҳисобда ғалаба қозонди. Ўзбекистонлик қизлар рақиб дарвозасини 10 бора аниқ нишонга олиб, ўз дарвозаси даҳлсизлигини сақлаб қолди.

Ўзбекистон U-16 аёллар терма жамоаси ушбу турнирдаги кейинги ўйинини 29 июль куни Малайзияга қарши ўтказади. Хитой терма жамоасига қарши ўйин эса 31 июльда бўлиб ўтади.

U-16 аёллар терма жамоалари иштирокида

Халқаро ўртоқлик турнири.

Ўзбекистон - Қирғизистон - 10:0 (5:0)

Голлар: С. Нормуродова (5,50,71), Ш. Қурбонова (12,43,64,68 ), М. Шоимова (27), М. Панжиева (34), Л. Шодиева (48 ).