Ўзбекистон терма жамоаси Саудия Арабистонига қарши ўйиндан олдин расмий машғулот ўтказди

Учрашувдан бир кун олдин одатга кўра Ўзбекистон терма жамоаси ўйинолди расмий машғулотни ўтказди. "Мельбурн" стадионидаги машғулотларнинг дастлабки 15 дақиқаси ОАВ учун очиқ бўлди. Маҳаллий вақт билан соат 18:00да Миржалол Қосимов шогирдлари машғулотни бошлашди.

Машғулот аввалида Миржалол Қосимов барчани ўз атрофига йиғиб суҳбат ўтказди.

Ислом Тўхтахўжаев номаълум сабабларга кўра алоҳида тарзда шуғулланди. Футболчилар икки жамоага ажратилиб машғулот ўтказишди. Дарвозаларни Акбар Тўраев ва Элдор Суюнов қўриқлашди.

"Қизиллар": Егор Кримец, Анзур Исмоилов, Сервер Жепаров, Азиз Ҳайдаров, Жамшид Искандеров, Санжар Турсунов, Шуҳрат Муҳаммадиев, Фаррух Сайфиев, Баҳодир Насимов.
"Яшиллар": Виталий Денисов, Акмал Шораҳмедов, Тимур Кападзе, Шавкат Муллажонов, Воҳид Шодиев, Игорь Сергеев, Жасур Ҳасанов, Сардор Рашидов, Лутфулла Тўраев.

Жамоадаги футболчилар 9тадан бўлгани учун Одил Аҳмедов ҳар иккала жамоа сафида ўйнади.

Пётр Гизимчук Нестеров билан жиддий тарзда машғулот олиб борди.

Эртага маҳаллий вақт билан соат 20:00да Ўзбекистон ва Саудия Арабистони терма жамоалари ўртасидаги ўйин старт олади. (Тошкентда 14:00 бўлади).

Машғулот фотогалереяси яқин вақт ичида тақдим этилади.

Нарзулла Сайдуллаев
Мельбурн