Ўзбекистон терма жамоаси бугун ЖЧ саралашлари доирасидаги 75-учрашувини ўтказади

Ушбу ўйин терма жамоамиз учун Жаҳон чемпионати саралашлари доирасидаги 75-учрашув бўлади. Ўзбекистон 1998, 2002, 2006, 2010 ва 2014 йилги мундиаллар учун саралашларда иштирок этган.

Ҳозирга қадар бўлиб ўтган 74та ўйиннинг 36тасида Ўзбекистон рақибларни мағлуб этган. 17та ўйинда дуранг қайд этилган. 21та учрашувда эса рақиблар Ўзбекистонни таслим қилишган. Тўплар нисбати эса 137:81 Ўзбекистон фойдасига.

ЖЧ саралашларида терма жамоамиз сафида энг кўп голни Миржалол Қосимов урган - 13та. Ундан кейинги ўринларни Жаъфар Ирисметов ва Сервер Жепаров боришмоқда. Бу футболчилар ҳисобида 11тадан гол мавжуд. Ўйинлар борасида Сервер Жепаров ва Темур Кападзе пешқадам. Иккала ўйинчи ҳам ЖЧ саралашлари доирасида бугунга қадар 40тадан ўйинда майдонга тушган.