Ўзбекистон ОТЖ Осиё кубоклари тарихида энг кўп легионер билан иштирок этмоқда. Аввалги турнирларда вазият қандай бўлган?

"Ланс" ва ЦСКА жамоалари Абдуқодир Ҳусанов, Аббосбек Файзуллаевга мусобақада иштирок этиши учун рухсат берди. Улар Вьетнамга қарши ўйинда майдонга тушишди. Шу тариқа Ўзбекистон  U-23 терма жамоаси Осиё кубоклари тарихида энг кўп легионер билан иштирокини давом эттиради. Келинг аввалги мусобақаларда таркибимизда неча нафар легионерлар бўлганини кўриб чиқамиз. 

Агар ҳаммаси кўнгилдагидек якун топса, U-23 Осиё Кубогида тарихдаги энг кўп легионер билан иштирок этамиз. Бунгача бўлган 5 та мусобақада таркибимизда умумий 3 нафар легионер бўлган.

2014. Ўмон

Таркибдаги легионерлар сони: - 

Бош мураббий: Шуҳрат Мақсудов

Якуний натижа: Гуруҳ босқичи

2016. Қатар

Таркибдаги легионерлар сони: 1 нафар, Ҳусниддин Ғофуров ("Явор")

Бош мураббий: Самвел Бабаян

Якуний натижа: Гуруҳ босқичи

2018. Хитой

Таркибдаги легионерлар сони: - 

Бош мураббий: Равшан Ҳайдаров 

Якуний натижа: Чемпионлик

2020. Таиланд

Таркибдаги легионерлар сони: -

Бош мураббий: Любинко Друлович 

Якуний натижа: 4-ўрин

2022. Ўзбекистон

Таркибдаги легионерлар сони: 2 нафар, Жасур Жалолиддинов ("Қайрат"), Одилбек Абдумажидов ("Ордабаси")

Бош мураббий: Тимур Кападзе

Якуний натижа: 2-ўрин

2024. Қатар

Таркибдаги легионерлар сони: 5 нафар, Умарали Раҳмоналиев ("Рубин"), Аббосбек Файзуллаев (ЦСКА), Иброҳимҳалил Йўлдошев ("Қайрат"), Абдуқодир Ҳусанов ("Ланс"), Хожимат Эркинов ("Ал Ваҳда")

Бош мураббий: Тимур Кападзе