Ўзбекистон МТЖ. "Навбаҳор"дан бир футболчи таклиф этилди
30 sep 2021 17:33
News

Ўзбекистон МТЖ. "Навбаҳор"дан бир футболчи таклиф этилди

Ўзбекистон миллий терма жамоаси Осиё кубоги саралаш учрашувларига пухта тайёргарлик олиб бориш мақсадида 2021 йилнинг 3-4 октябрь кунлари Тошкентда ўқув-машғулот йиғини ўтказишни режалаштирган.

Сўнгра мазкур йиғин 9-12 октябрь кунлари Иорданиянинг Амман шаҳрига кўчади ва термамиз у ерда Малайзия ва Иордания миллий жамоаларига қарши халқаро ўртоқлик ўйинларини ўтказиши кўзда тутилган.

Эътиборлиси, терма жамоамизнинг мазкур йиғинига Суперлига сўнгги турларини барқарор ўтказиб, мунтазам равишда дарвозаси дахлсизлигини сақлаб келаётган “Навбаҳор” жамоаси дарвозабони Ўткир Юсупов ҳам жалб этилди.

Шу муносабат билан маҳоратли посбонига Ўзбекистон миллий термасидаги фаолиятида ҳам омад ёр бўлишини, мураббийлар ишончини оқлаб, бош жамоамизнинг асосий дарвозабонига айланишини тилаб қоламиз", - деб ёзади "Навбаҳор" матбуот хизмати.